ثانياً: بمعاقبة المتهمين الثاني والثالث بالسجن المشدد لمدة ثلاث سنوات لكل منهما، وتغريم كل منهما مائة ألف جنيه، عن تهم التحريض والاشتراك. ثالثاً: إحالة الدعوى المدنية للمحكمة المختصة للتعويض.
"أول ما القاضي نطق بكلمة "السجن المشدد خمس سنوات"، انفجرت القاعة. صرخة مدوية طلعت من أمه وهي بتقع مغمى عليها في الطرقة، وأبوه حط إيديه الاتنين على وشه وقعد على الأرض يبكي بحرقة وذل. وجوة القفص، طارق صرخ صرخة هستيرية ووقع بطوله على أرضية القفص، العساكر دخلوا شدوه بالكلابشات وهو بيزحف وبيصرخ باسمي بصوت مبحوح ومذعور:"خمس سنين؟
! مستقبلي راح! يا سمر ارحميني.. خمس سنين يا سمر ضعت خلاص!"العسكري شده بقسوة من قفاه ونزله في السلم المؤدي للتخشيبة، وهو بيتجرجر زي الشوال، راسه في الأرض، متجرد من كل كرامة ورجولة كان بيتباها بيها كدباً في يوم من الأيام.
أنا وقفت في مكاني، مفيش دمعة واحدة نزلت من عيني. حسيت بهوا بارد ونقي بيدخل صدري لأول مرة من شهور. بصيت للسما وقولت من كل قلبي: "الحمد لله.. حقك يا رب مبيضيعش."محمود مسك إيدي وشد عليا بفخر، وباس راسي قدام كل اللي في القاعة، وأبويا طبطب على كتفي وقال بصوت مليان عزة:"رفعتي راسنا وصونتي نفسك، ودفنتِ الندل بالقانون وتحت جزمته، ارفعي راسك يا بنتي، إنتي حرة وبنت أصول.
"خرجنا من باب مجمع المحاكم، شمس الضهر كانت دافية وبتنور الدنيا.
اتنفست الهوا بحرية كاملة، سيبت ورايا الخيانة والوساخة وبدلة السجن الزرقا اللي هيلبسها سنين في ظلمات الزنازين مع المجرمين، ومسكت في إيد أبويا وأخويا، ورجعت لحياتي النضيفة من تاني،
أقوى وأصلب، وعارفة إن الستر والكرامة أغلى من أي حاجة في الدنيا، وإن اللي يبيعك بالرخص، نهايته الطبيعية يتداس عليه تحت أقدام العدالة.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.