رحيم دخلها الاوضه وقعدها على السرير . رحيم بتنهيدة : حاضر هاخلى فوزيه تجبلك اكل … غيرى هدومك . ( رحيم سابها ونادى على فوزيه وامرها تجبلها اكل … ودخل تانى بدء يقلع هدومه ). رحمه بتلف وشها : انت بتعمل ايه…. ايه قله الادب دي.
رحيم نفخ بعصبيه : لا وحياة ابوكى انا مش فايقلك الاكل هايجى وهتاكلى وتنامى من غير صوت وانا هاقلع هدومى وهنام بالشورت اكراما ليكى بس كلمه زيادة واقسم بالله يا رحمه لاقلع الشورت نفسه وانا اصلا على تكه. رحمه بقهر : طيب حاضر ..اتفضل هاتلي الاكل خليني اكل.
رحيم راح على السرير وقعد وغطى نفسه : فوزيه هاتجيبه دلوقتى وهاتخبط اطلعى خدي منها من برا لانها ممنوعه تدخل هنا … خلصى اكل وغسلى ايدك وطفى النور وتيجى تنامى متتقلبيش وانتى نايمه ولا تعملى صوت احسنلك . رحمه : قوم اقعد معايا علي مااكل اخاف اقعد لوحدي.
رحيم بنرفزة : يووووة يا رحمه على الدلع بقولك مش شايف قدامى. رحمه الدموع بدأت تتجمع فى عينها : خلاص مش عايزه حاجه ولا عايزه اكل اتفضل نام خليني انام أنا كمان (رحمه اتعدلت علي السرير واخدت مخده في حضنها واستعدت للنوم).
رحيم قومها من السرير : طيب طيب هاقوم اهو … انتى ماكلتيش حاجة من الصبح ( فوزيه خبطت ). رحيم : قومى يالا خدى منها الاكل. رحمه : مش عايزه حاجه. رحيم بعصبيه : رحمممممه انا على اخرى قومى … خلينى اخلص. رحمه قامت مره واحده واخدت الاكل من فوزيه : أهو جبته منها مش عايزه اكل شبعت خليني انام بقا.
(رحيم اتحرك على السرير بتعب ووجاب الاكل على طرف السرير وشد رحمه قعدها فى حضنه ). رحيم بتتعب : كلى يا رحمه. رحمه نبرت صوته قلقتها وبصت للاكل اللي شكله غريب : هو ايه الاكل ده؟!. رحيم بيحاول يفتح عينه : دة فضلت خيرك ممبار ولحمه.
رحمه : لا لا مش عايزه والله مش بعند بس انا مش باكل الحاجات دي خليني ننام والصبح هاكل اي حاجه . رحيم : ليه يارحمه والله اكل نضيف … طيب اكلك انا. رحمه : رحيم أنا عمري ماكلت الحاجات دي خالص هرجع. (رحيم زق الاكل بعيد ..وشاور ليها بتعب على درج الكمدينو تفتحه ).
رحيم : رحمه افتحى الدرج هاتى تليفونى . رحمه قامت جابت التليفون : اتفضل أهو عايزه ليه ف نص الليل. (رحيم اخدة منها وبصلها بتنهيدة وفتح التليفون اللى رحمه استغربت انه شايل تليفون حديث كدة وهو اصلا حاله من الشكوك ولا هيئته ولا منظرة تاجر مخدرات ولفت نظرها انه بيبعت رساله وبيكتب انجليزى بطلاقه) .
رحمه بذهول: ايه ده انت بتكتب انجليزي وشايل ايفون كمان. رحيم رفع راسه ليها : البرنسيسه تحب تطلب اكل غير ماك. رحمه : لا بس بيج ماك وبطاطس كتير اوي اوي. (رحيم بص فى فونه تانى وعدل الاوردر). رحيم بتعب : اى حاجة تانى . رحمه : بتكتب انجليزي ازاي ها ومعاك ايفون كمان.
(رحيم رجع سند ضهرة على السرير وشاورلها تقعد جنبه). رحيم : وايه الغريب فى كدة. رحمه : احم تاجر مخدرات وكل الجو ده اكيد مش متعلم يعني. رحيم ضحك ضحكه صغيرة : اهو دة بقا النظريه الغلط … ياعنى تاجر مخدرات لازم ابقا جاهل لا طبعا انا متعلم ومتعلم تعليم كويس اوى كمان وبلبس حلو وبهتم بنفسى ….
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.