رحيم بعصبيه : مش هايشوف رجلك ولا يلمسها على جثتى الدكتور بنفاذ صبر : طيب يا ابني شوف انت رجلها مش حاسه بيها ولا مش حاسه بالكف بس. رحيم حط ايدة على رجليها براحه وبصلها : حاسه بحاجة .
رحمه بتهزر رأسها ب لا وبتتكلم بصوت ضعيف : لا مش حاسه رحيم اتعصب: منا قايلك رجليها كلها مش حاسه بيها ولا هو اى فتى وخلاص . دكتور بصدمه : فتى !!!!!! (الدكتور اتجاهله وراح ناحيه رحمه يشوف ايديها فيها مشكله ولا لاه) الدكتور : ايديك فيها حاجه يا بنتي ولا رجلك بس .
رحمه : رجلي بس اللي مش حاسه بيها . الدكتور بص لرحيم باسف : للاسف المدام عندها حاله فقدان حركه … هى حاله تشبه شلل مؤقت . رحيم اندفع فجاه ناحيه الدكتور وزنقه فى الحيطه : انت شكلك دكتور ملوخيه. … دى كانت حلوة امبارح شلل فجاه كدة ….. ماتظبط اصل اطلع روحك.
الدكتور : الشلل بيجي في اي وقت يا استاذ المدام مفيهاش اي سبب عضوى سبب الشلل السبب نفسي والشلل المؤقت ده مع تحسين النفسيه والعلاج الطبيعي هيزول. رحيم : انا هاموتك واخلص من امك … انا اتخنقت لما شوفت شكل امك اصلا …..
يابن ال**** : الدكتور : حضرتك ده شغلي أنا مقعدتش اتعلم اكتر من 18 سنه علشان اجي اشخص غلط ..ياريت تشوف ايه اللي مضايق المدام. الدكتور خلص نفسه من ايد رحيم وكمل كلامه : لازم تتابع مع دكتور علاج طبيعي ..بعد اذنك.
(الدكتور خرج ورحيم واقف بص على رحمه اللى دافنه نفسها فى مخدة وبتعيط). رحمه : أنا اتشليت مش همشي ع رجلي تاني اه يا ماما مش همشي تاني. رحيم راح ناحيتها بهدوء ورفعها وشها : احم …. الدكتور قال مؤقت وهاتبقى تمام انا هاجبلك اكبر دكاترة فى البلد ما تقلقيش رحمه : انت السبب يا رحيم ربنا يسامحك أنا مش مسمحاك.
رحيم : انا السبب !! مفيش حاجة كانت غصب وبعدين انا كنت بعاملك بحنيه … رحمه بلاش تقولى كلام تندمى عليه .. انا عذارك ومقدر موقفك. رحمه بصراخ : لا كله كان غصب قعدتنى هنا غصب واتجوزتنى بالغصب والا هتموت امي واخدت حقك بالغصب كله بالغصب عايز ايه تاني أنا اتشليت معتش عندى حاجه تاخدها.
رحيم : مش هارد عليكى رحمه : ممكن تسيبني في حالي بقا بعد اذنك ورجعني لامي. رحيم : لا (وقام يمشى لانه لو فضل هايزعلها منه وهو مش عاوز كدة بس وقفته بهمسها لاسمه) رحمه بهمس: رحيم. رحيم من غير ما يلف : نعم رحمه بقوة : طلقني.
( رحيم سمع كلمه طلقنى ركبه ميه عفريت وعفريت وغضب الدنيا احتله لدرجه انه كان ماسك اوكرة الباب اتخلعت فى ايدة من درجه الغضب للى وصلها خرج بسرعه ورزع االباب وارة وشويه ورحمه سمعت صوت زعيق وضرب نار جامد .
&&&&&&&&&&&&&&& انتهى البارت التالت ، البارت الرابع يمكنك الآن الانتقال إلى الفصل التالي (رحيم خرج من عند رحمه مخنوق … هو كان عاوز يأدبها بس مش لدرجه الشلل هى ذنبها ايه انها غلطت فى الحوت اتخنق من نفسه جدا على انه السبب فى تعبها وخصوصا لما بقت مراته … هى ساذجه مشيت ورا مديرها الغبى وعلى الخبيث ….
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.